6月5日
DE SFROOS
IL CIMINO
Soe la strada de Briénn visénn al Crott dii Plàten
ai pé de la muntagna gh'è un quajett
ai tempi del Far West fra Sfrusaduu e Burlànda
passàven sacch de juta e sigarett
Omen cumè aspis scundüü tra i rami e i sàss
mai ciamàss per nömm mai fa' frecàss
ömen cun la facia segnada cume'l laagh
ömen cargaa cumé lümaagh
el Cimino l'era scià cun la bricöla in spàla
che gh'era giò la barca de cargà
ed veed la facia griisa del mutuscàff de la finanza
el veed anca un'Alfa lampeggià
Pudeva mea scapà, pudeva mea gulà, pudeva dumà sultà in del laagh... e alura... tuffo da delfino
l'impatto come un'orca
e l'ha batüü anca el record del Maiorca
Arrenditi Cimino
i t'hann ciapa... seet circundàa
"pütost che fass ciapà a ca' mia
troevi un anguila de maridà"
Stai attento Cimino
el laagh l'è frècc te manca'l fiaa
incoe g'ho quatru pulmoni
e gh'ho anca i bàll per galegià
La finanza preoccüpada riüssiva pioe a truvàll
ma lüü l'era giamò dree a rampegà...
soe per el quaiett cui müdaand e i scarp de tennis
e'l rest di so vestii in soel fuund del laagh
Quajveon l'ha poe sparaa, quajvoen l'hann poe ciapaa
ma lüü l'era scundüü lé suta un ciàpp
come un cinghiale in tanga
un lüff cun söe i Superga el pruvava a vardà foe ma mea tropp
Cugnusséva la muntagna na inscé l'era foe de post
e i péss i gh'eren giò la sua Lacoste
l'era béla la mia majéta ma tropa culurada
me despiaas "cun quèll che l'ho pagàda"
Arrenditi Cimino
che te seet biuut e masaraa
"nissoen m'ha cugnussüü perciò nissoen me accüserà"
Che scuse avrai Cimino
che te seet in müdaand in una vàll
el mé alibi l'è questo
"Sciur Finanzieer seri dree a menàll!".
NONA LUCIA
Ociu fioe che la nona l’è una strìa l’hann veduuda sgarlà nell foech cun’t i mann
Ociu fioe perché adèss la gula via cun’t un mànegh de scùa in mèzz ai gaamb
…….RIT…x2
Trona e tempesta, la loena l’è scapaada,
nocc d’infernu…nocc indemuniaada,
varda la mia nona e varda anca la tua…
suta la gona i moeven la cùa
Nona Lucia, nona strìa…
la cambia la sua pèll, la cambia la sua umbriia,
al sabato sera si veste di nero
e fa il Karaoke su al cimitero…
RIT……………..
Nona Lucia la fa scapà i serpeent
La parla cun’t i sàss e la fa cambià anca el veent
Pulènta e sciguèta..la pentula stravàca
La va’ a balà soe al Praa de la Tàca
Nona Lucia, gioca a scacchi col prete
Sia lei che lui hannò sempre sete
Prepara intrugli dalla sera al mattino,
sia lei che lui bevon solo vino…
RIT……………………………………..
工具 
